Nokia Normandy me Android do të kushtojë 110 dollarë

Telefoni i shumë-përfolur i kompanisë Nokia, i cili do të mbështetet nga sistemi operativ i Google, Android, modeli i njohur si Nokia Normandy thuhet se është bërë gati për treg me një çmim jashtëzakonisht të volitshëm, i cili fillon me 110 dollarë.
Mirëpo, të gjithë ata që i pëlqejnë telefonat Nokia, por edhe sistemin operativ Android njëkohësisht, duhet ta dinë se ky model i ri i telefonit nuk do tu ofrojë atyre qasje në dyqanin e aplikacioneve të Android, Google Play Store, pasi që aplikacionet mobile do të merren nga dyqani i Nokia-së, i cili gjithsesi se do t’i ofrojë shërbimet e famshme, si Skype, Facebook, Twitter dhe të tjerat.

Informacionet e fundit për telefonin e lirë Android të prodhuar nga Nokia, Normandy apo edhe Nokia X, siç njihet ndryshe, thonë se ky model do të jetë vazhdimësi e linjës së telefonave Nokia Asha, dhe i njëjti do të ofrojë karakteristika solide, sikurse procesorin dual-core 1.2GHz Snapdragon SoC, 4GB memorie, 512MB RAM, dhe kamerën e pasme me 5MP.

Nokia i ka ftuar mediat për një ngjarje mediale në Kongresin Botëror Mobil, i cili mbahet këtë muaj në Barcelonë, në të cilën pritet edhe lansimi zyrtar i Nokia Normandy, dhe zyrtarizimi i projekteve dhe pajisjeve të reja nga Nokia.

Viber shitet për 900 milionë, operonte me humbje të mëdha

Gjatë ditës së djeshme është bërë publk lajmi se aplikacioni i famshëm i mesazheve Viber është blerë nga kompania e njohur japoneze Rakuten, e cila merret me tregtinë online.
Marrëveshja për blerjen e Viber në vlerë prej 900 milionë dollarëve sapo është konfirmuar nga Rakuten, dhe pasi që kjo e fundit është e regjistruar në berzë, është e obliguar që të jap shifrat e sakta të numrit të përdoruesve të Viber.

Tani është bërë e ditur se Viber ka mbi 100 milionë përdorues aktiv mujor, nga totali i 280 milionë përdoruesve të saj, të cilët janë të regjistruar nga gjitha vendet e botës.

Por numri i 100 milionë përdoruesve aktiv të Viber është më i vogël sesa ai i përdoruesve të WhatsApp, aplikacionit i cili tashmë ka 430 milionë përdorues. Rivalitet të madh sjellin edhe shërbimet tjera të ngjashme, si WeChat, e cila ka 270 milionë përdorues aktiv mujor, edhe pse askush nuk e di se sa prej atyre janë jashtë vendit të saj të origjinës, Kinës.

Windows 9 "Prill 2015"

Lirimin aktual i Windows-9 "Threshold" do të zhvillohet në një mënyrë të tre-kulmore. Kjo do të thotë se do të ketë të paktën dy, në mos tre, versionet lëshuar para publikut merr duart e tyre mbi të.Lirimin përfundimtar i këtij sistemi operativ do të jenë në shënjestër për në prill të vitit 2015. Është sugjeruar gjithashtu që zhvilluesit nuk do të jepet asnjë lloj paralajmerimi per ndërtimin, pasi zhvillimi nuk do të fillojnë deri në fund të njëjtin muaj.

"Sound like a release you’ll be pumped up about? With so few details on how this Windows 9 system will actually work, we’re crossing our fingers tightly!"

Ndryshimet pritet të bëhen në UI Metro / Moderne , me një " gjendje dritareje " për desktop që pritet të jetë një nga inclusions kryesore .

Microsoft nuk do të tregon një vrojtim të Windows 9 në Build si zhvillim ende nuk ka nisur . Konferenca pritet të përqëndrohet në Windows Phone dhe sapo nisur Xbox konsol One , burimet thanë Thurrott .

Windows 8 është duke luftuar për të fituar tërheqje në treg që nga lirimin e saj në tetor 2012. Pavarësisht duke pretenduar se ka shitur 100 milionë licenca maj 2013 , shumë e Windows 8 PC vijnë me opsionin për të degraduar në Windows 7 . Pra, numri i vërtetë i PC running OS të ri është menduar të jetë shumë më e ulët .

Shumë përdorues të ndërmarrjeve janë ende të emigrojnë nga 10 - vjeçar sistemit operativ Windows XP dhe kanë zgjedhur për të përmirësuar në Windows 7 , i cili vjen sans ndërfaqen Metro .

Pavarësisht Microsoft ende ka një shumicë të sigurtë të tregut të PC , Thurrott tha se pritja të Windows 8 ka qenë një fatkeqësi . OS " ka vendosur prapa Microsoft, dhe Windows , me vite , dhe ndoshta për të mirë " .

Del në treg numri i ri i revistës “ComputerWorld Albanian”

Numri i ri i revistës “ComputerWorld Albanian” përmban një tematikë të larmishme, duke filluar nga një seksion i veçantë kushtuar eventit të suksesshëm Albanian ICT Awards 2012, intervista me fituesit e kategorive, shkrime të dedikuara nga profesionistë të shquar të TIK-ut në trevat mbarëshqiptare si Shkumbin Hamiti, Prof Dr. Kozeta Sevrani, Dr. Geni Likoskendaj, Prof. Ledia Hajderi, Dr. Milena Harito, Albi Greva, psikologia Silvana Loka etj. Revista trajton gjithashtu edhe trendet më të fundit të teknologjisë mobile, statistika shqiptare dhe botërore të kësaj industrie, historikun nga telefoni i parë e deri tek smartfonët e fundit, zhvillimet shqiptare në botën mobile, platforma për krijimin e aplikacioneve mobile, përhapja e teknologjisë mobile në sektorë të rëndësishëm si ai bankar, arsimor, shendetësor etj. Revista gjendet prej datës 9 janar në pjesën më të madhe të pikave të shitjes në Shqipëri e Kosovë.

Top 8 qytet me internetin me te shpejte ne bote!

1. Hong Kong – 65.1Mbps
2. South Korea – 53.5Mbps
3. Japan – 48.8Mbps
4. Romania – 47.5Mbps
5. Singapore – 45.6Mbps
6. Latvia – 44.6Mbps
7. Switzerland – 41.4Mbps
8. Israel – 40.1. Mbps

A do të jetë Android TV produkti i ardhshëm më i rëndësishëm për Google

Ndërkohë që ofruesit e televizioneve kabllore po përpiqen të ngushtojnë tregun e tyre për të mbajtur konsumatorët sa më shumë të lidhur pas shërbimit që ofrojnë, prodhuesit e televizorëve po punojnë për t’u rritur sa më tepër.

Digitimes ka raportuar se shkrirja e grupit të punës së Google TV me ekipin e Android mund të jetë një shenjë që tregon se Google po ndërmerr një hap të rëndësishëm në tregun e televizorëve.

Sipas raportit, suksesi i Chromecast (pajisje e zhvilluar nga Google që lejon përdoruesit të shohin video, të shpërndajnë faqe të shfletuesit Google Chrome ose të hapin në ekranin e televizorit këngët që kanë ruajtur në smartfonët, tabletët ose kompjuterat e tyre) do të gjenerojë më tepër kërkesë për televizorët Android në treg dhe do të shndërrojë sistemin Android TV një pajisje të rëndësishme për argëtimin në familje për shkak të mundësisë së tij për t’u lidhur me smartfonët.

E ardhmja e Apple TV vazhdon të jetë një mister ngacmues, por aktualisht Chromecast renditet në krye të listës së pajisjeve elektronike më të shitura në Amazon. Edhe njëherë tjetër Google vazhdon të qëndrojë një hap para në këtë konkurrencë. 

Me aplikacionin Mindly për iPhone mund të vizualizoni mendimet tuaja thjesht dhe bukur

Vizualizimi i mendimeve cilësohet si një teknikë efektive për regjistrimin e mendimeve, por zakonisht është e vështirë që të mundësohet kjo gjë në hapësirën e limituar të smartfonëve.

Aplikacioni Mindly bën regjistrimin e mendimeve ose koncepteve në një proçes të këndshëm dhe tepër të lehtë në ekranin e vogël të iPhone-it tuaj.

Çdo element ka formë rrethi dhe mund të lidhet me më tepër elementë të tjerë pranë tij të cilët vendosen në formë rrethore. Secili prej këtyre elementëve mund të formojë në veçanti rrethin e vet të elementëve.

Ju mund të shkruani mendimet tuaja në çdo rreth, mund t’i përcaktoni atij ngjyrën e dëshiruar, mund të shtoni një ikonë ose mund të shkruani shënime shtesë. Ju gjithashtu mund të krijoni edhe rrathë të veçantë që përmbajnë vetëm një foto, por në to nuk mund të mbani shënime.

Në përfundim mund të shikoni hartën e plotë të mendimeve, mund t’a printoni atë ose mund t’a dërgoni me e-mail.

Qëllimi kryesor i aplikacionit është krijimi i hartave cilësore dhe praktike të mendimeve duke filluar në qendër dhe më pas duke përdorur një fjalë kyçe për çdo rresht, ngjyra dhe imazhe.

Ndoshta nuk ofron fleksibilitetin e letrës dhe lapsit, por është një metodë e dobishme për krijimin e hartave të thjeshta të mendimeve. Për të siguruar aplikacionin ndiqni këtë link.

Apple dhe Microsoft pendohen që kanë shpenzuar 4.5 miliardë $ në patenta

Rockstar – që është një partneritet i kompanive duke përfshirë Apple, Microsoft, BlackBerry dhe Sony që bleu 4,000 patenta nga Nortel në vitin 2011 – sipas Bloomberg, është duke shikuar të shes një pjesë të portofolit të vet të këtyre patentave.

Kjo kompani tashmë ka shitur një pjesë të patentave të veta për kompaninë Spherix, që është një kompani për pronësinë intelektuale. Patentat e Nortel-it ishin kërkuar shumë pas vitit 2011, ku Apple, Google, Microsoft dhe kompani të tjerë të mëdha të teknologjisë kishin konkurruar për to.

Rockstar ishte formuar nga Microsoft dhe Apple për t’u bashkuar kundër Google, që kishte ofruar 3.14159 miliardë dollarë, por përfundimisht humbi ofertën prej 4.5 miliardë dollarë të Rockstar. Sony, BlackBerry dhe Ericsson po ashtu iu bashkuan grupit Rockstar.

Tani këto patenta janë duke u parë me më pak vlerë. Rockstar nuk ka qenë në gjendje që të sigurojë marrëveshjet kyçe të licencimit me patentat e veta dhe është duke shikuar që t’i shes disa nga to, thuhet në raport.

Në marrëveshjen e vet me Spherix, Rockstar do të pranojë një pjesë prej përfitimeve të Spherix, ndërsa Spherix pagoi me para të thata dhe 1 milion dollarë në aksione. Rockstar është po ashtu duke e shqyrtuar mundësinë e shtimit të një pale të re në partneritetin e vet për të “dobësuar investitorët ekzistues”.

Rockstar është akuzuar që ka vepruar si një karrem për patenta. Këtë verë, Rockstar paditi kompaninë Google për shkelje të patentave që janë qendrore për biznesin e kërkimit të Google. Sipas raportit të Bloomberg, patentat e përdorura në këtë padi nuk do të jenë pjesë e ndonjë shitjeje.

A po “frikësohet” Twitter nga Snapchat dhe Instagram

Përditësimi i fundit i aplikacionit të Twitter për pajisjet iOS tregon se si Snapchat dhe Instagram po bëhen kërcënim më i madh për të sesa që u mendua më herët.

Shifrat në Snapchat po rriten me shpejtësi marramendëse, gjë që tregoi qartë interesimin e Facebook dhe Google të cilët tentuan ta blejnë këtë shërbim, por deri më tani pa sukses.

Instagram gjithashtu nën sfond të Facebook-ut po qëndron në një pozitë mjaft të mirë.

Fotografitë janë shumë të rëndësishme për Twitter kështu që kohë më parë është mundësuar dërgimi i fotografive në mesazhe private, rikujtojmë se Instagram me aplikacionin e vet Direct gjithashtu e ka ofruar këtë opsion, ndërsa e dimë se Snapchat që nga fillimi e ofron këtë mundësi, fotografitë shihen edhe në “feed” që gjithsesi e rrit shikueshmërinë dhe tërheqë vëmendjen e përdoruesit.

Para kësaj Twitter ka futur filtrues për fotografi, aftësi kjo e njohur kohë më parë në Instagram. Duket se Twitter po “noton” në mes të Facebook, Snapchat dhe Instagram-it.

A dërgoni ju fotografi në Twitter apo për këtë qëllim më shumë përdorni Instagram-in?

Twitter po teston reklamat për instalim të aplikacioneve për promovim të cicërimave

Siç duket, Twitter ka qenë duke testuar një lloj të ri të njësisë së reklamimit në pajisjet mobile: promovimi për instalim të aplikacioneve.

Bashkë-themeluesi i Circa-s, Matt Galligan, ka vërejtur një reklamë me butonin e instalimit në aplikacionin e Twitter-it për iPad. Twitter së fundi paraqiti instalimin e aplikacioneve dhe lidhjen e thellë përgjatë veçorisë së vet Cards, kështu që reklamuesit tani mund të promovojnë cicërima duke iu kërkuar përdoruesve që t’i instalojnë aplikacionet e tyre.

Business Insider raportoi muajin e kaluar që Twitter ishte duke testuar një format të ri të reklamës. Twitter paraqiti reklama të futura brenda MoPub Marketplace më herët këtë muaj, por kjo është hera e parë që kemi parë këtë gjë në aplikacionin zyrtar të Twitter-it.

Reklamat për instalim të aplikacioneve brenda aplikacionit rival të Twitter-it, Facebook, kanë qenë një sukses për kompaninë, ku sipas CEO-s së kompanisë Facebook, Mark Zuckerberg, kanë sjell “përfitime reale”.

Twitter mohoi të komentojë në lidhje me këtë kur u kontaktua nga The Next Web.

5 gjëra që duhet të dini për reklamat në Facebook

Para pak javësh, Facebook lajmëroi se në rrjetin social do të fillonin të shfaqeshin reklamat. Menjëherë pas kësaj, filluan të qarkullonin spekulime në internet mbi atë se çfarë do të thoshin reklamat në rrjetin më të madh social në botë, a do t’i shqetësonin ato përdoruesit dhe cilat do të ishin realisht karakteristikat e tyre.

Prandaj, në këtë artikull, kemi bërë një përmbledhje të 5 gjërave më të rëndësishme që kanë të bëjnë me reklamat në Facebook.

1. Reklamat video do të luhen automatikisht por pa zë. Për ta hapur zërin, mjafton të klikoni në video. Me këtë veprim, videoja do të hapet gjithashtu edhe në të gjithë ekranin.

2. Reklamat kanë filluar tashmë të shfaqen që prej javës së kaluar, por ndoshta jo të gjithë prej jush do t’i shohin, pasi ato janë ende në fazë testimi tek një numër i kufizuar përdoruesish.

3. Reklamat nuk do të harxhojnë internetin tuaj me operatorët telefonikë. Ato do të fillojnë të luhen automatikisht si në desktop ashtu edhe në aplikacionet Android dhe iOS, vetëm nëse jeni të lidhur me wireless dhe jo me 3G apo 4G.

4. Nuk ka rëndësi se sa do të jetë gjatësia e tyre. Facebook në fakt nuk i është përgjigjjur pyetjes se sa do të zgjasin ato, megjithatë The Journal parashikon që mund të bëhet fjalë për rreth 15 sekonda. Themi nuk ka rëndësi pasi nëse nuk doni ta shihni, mund të ecni më poshtë në furnizuesin tuaj të lajmeve.

5. Reklamuesit duhet të kenë standarte të larta për të bërë reklama video. Facebook tarifon rreth 2 milionë $ në ditë, një çmim ky mjaft i lartë për shumicën e kompanive në treg. Gjithashtu, ata duhet të përpiqen t’i bëjnë ato sa më interesante për të tërhequr konsumatorin para se ky i fundit të vazhdojë të shfletojë postimet më poshtë.

eMarketer: YouTube fiton nga reklamat 5.6 miliard $

Të ardhurat nga reklamat në YouTube, e cila është në pronësi të kompanisë Google, në vitin 2013 do të arrijnë vlerën prej 5.6 miliard dollarë, nga të cilat ky portal për shpërndarjen e videove do të mbajë për vete 1.96 miliard, ndërsa të tjerat do t’ua shpërndajë partnerëve, është bërë e ditur në një hulumtim të cilin e ka kryer eMarketer.

Në këtë mënyrë, të hyrat e video portalit në vitin përkatës do të jenë madje 65% më shumë krahasuar me vitin 2012, dhe do të kalojnë të ardhurat e Twitter, Amazon apo LinkedIn.

Në këtë hulumtim gjithashtu theksohet se të ardhurat nga reklamat në këtë vit do të arrijnë 5.1% të të gjitha të ardhurat e Google-s nga reklamat, derisa në vitin 2012 kjo përqindje ishte 3.6%.

Pjesën më të madhe të të ardhurave, YouTube e realizon në tregun e SHBA, 1.08 miliard dollarë, prej të cilave 850 milion dollarë nga reklamat në video formate, kështu që tani në tregun amerikan YouTube merr pjesë me 20.5%.

Në vitin 2013 dhe në të ardhmen YouTube llogaritë në më shumë se një miliardë vizitorë mujorë, të cilët video-përmbajtjet i shikojnë më gjatë se gjashtë miliardë orë, gjatë një muaji, që është 50% më shumë se në vitin 2012. 

Studim: Laptopët Chromebook po përhapen fuqishëm në treg

Mesa duket Microsoft-i kishte të drejtë që shqetësohej për projektin Google Chromebook. Sipas të dhënave më të fundit të publikuara nga kompania kërkimore NPD, rezulton se gjatë vitit 2013 laptopët me sistem operativ Google Chrome OS mundën të zotëronin rreth 21% të shitjeve totale të laptopëve dhe pothuajse 10% të shitjeve totale të kompjuterëve ndaj bizneseve.

Kjo është me të vërtet një rritje e suksesshme duke marrë parasysh se vitin e kaluar Chromebook-ët nuk përbënin pothuajse as 1% të këtyre shitjeve. Duke qenë se Apple nuk ka shumë peshë në shitjet e kanaleve të biznesit (1.8% të shitjeve) mund të themi se Chromebook-ët janë përhapur në kurriz të laptopëve me sistem Windows.

Në qoftë se këto shifra nuk mjaftojnë për të provuar popullaritetin në rritje të laptopëve Chromebook, atëherë po përmendim se sipas Amazon, Samsung Chromebook, Asus Transformer Book dhe Acer Chromebook kanë qenë laptopët më të shitur gjatë sezonit të festave.

Vlerat e mësipërme kanë tejkaluar parashikimin e bërë në fillim të muajit që tregonte se në vitin 2014 Chromebook-ët do të përbëjnë 5% të shitjeve totale të laptopëve. Sigurisht ky lajm nuk është aspak i këndshëm për shitjet e kompjuterëve personalë me sistem Windows.

Stephen Baker, analist në NPD, është shprehur: “Shitjet e reduktuara të kompjuterëve Windows lejuan markat e tjera të fokusuar në sistemet operative alternative si Apple apo Samsung të kapnin një pjesë të konsiderueshme të tregut që tradicionalisht është dominuar nga pajisjet Windows.”

Prodhuesit tradicionalë të kompjuterëve janë duke reaguar ndaj kësaj tendence duke hedhur në treg modele të reja Chromebook-ësh. Për shembull, Dell do të ofrojë në janar Chromebook-un e parë për tregun arsimor, segment ku Chromebook-ët kanë provuar të jenë vërtet të suksesshëm.

Prodhuesi më i fuqishëm në botë i kompjuterëve HP ka vendosur të përqëndrohet më tepër në sistemet operative Chrome OS dhe Android të Google. Aktualisht HP ka ofruar në treg Chromebook 14 dhe Chromebook 11. Ndërkohë, tabletët me sistem Android kanë pësuar një rritje prej 160% duke qenë se janë mbështetur nga ofruesit më të mëdhenj në treg.

Sipas NPD rezulton se Chromebook-ët dhe tabletët Android kanë pasur impaktin më të fuqishëm në rritjen e shitjeve të këtij viti.

Nga muaji janar dhe deri në muajin nëntor, dërgesat kanë arritur deri në 1.76 milion njësi, ndërsa vitin e kaluar numri i tyre ka qenë 400 000 njësi. NPD ka deklaruar gjithashtu se ka pasur edhe një lajm pozitiv për Windows-in pasi shitjet e tabletëve me këtë sistem pothuajse janë trefishuar. 

FNN News: Samsung ka shitur mbi 40 milionë tabletë këtë vit

Sipas FNN News në Korenë Jugore, reklamat e fundit dhe shitjet e Galaxy Tab 10.1 (edicioni 2014) e ndihmuan kompaninë Samsung që të arrijë mbi 40 milionë tabletë të shitur gjatë vitit 2013.

Faqja e lajmeve thotë që Samsung shiti 9.1 milionë tabletë në tremujorin e parë të vitit 2013, 8.4 milionë në tremujorin e dytë, 10.5 milionë në tremujorin e tretë dhe mbi 12 milionë këtë tremujor të vitit, që paraqet një rekord për kompaninë. Gjatë vitit 2012, Samsung kishte shitur rreth 16.6 milionë tabletë, ndërsa as 6 milionë gjatë vitit 2011.

Nëse janë të sakta, këto shifra e vendosin kompaninë Samsung në vendin e dytë me njësi të shitura, duke qëndruar kështu prapa tabletit iPad. Apple thotë që ka shitur 19.5 milionë tabletë në tremujorin e parë të vitit 2013, 14.6 milionë njësi në tremujorin e dytë dhe 14.1 milionë iPad gjatë tremujorit të tretë.

Nuk janë raportuar ende shitjet e arritura gjatë tremujorit të katërt, por vitin e kaluar, Apple shiti pothuajse 23 milionë iPad në tremujorin e katërt. 

Çipi i ri nga Samsung mund të ofrojë 4GB memorie në smartfonin tuaj të ardhshëm

A menduat që 3GB RAM në Galaxy Note 3 ishin shumë? Samsung vetëm sa kishte filluar.

Kompania ka zbuluar çipin e parë DDR4, i cili mund të përdorë 4GB RAM në një pako të madhësisë së vogël, mobile.

Duke kaluar në një bandwidth më të lartë (3.1 Gbps), standardi DRR duhet të ofrojë përmirësim të shpejtësisë për 50 për qind në krahasim me çipat ekzistues të bazuar në DD3, edhe pse silici i ri përdor 40 për qind më pak bateri se sa paraardhësit e tij.

Samsung është vetëm duke premtuar prodhim të RAM-it të ri dikur gjatë vitit 2014, por është tashmë e qartë se kujt i është dedikuar kjo gjë.

Teknologjia do të shkojë në laptopë, smartfonë dhe tabletë me paraqitjet Ultra HD, ku memoria shtesë do të jetë kyçe për fuqizim të atyre piksellëve shtesë.

“Internetit i Objekteve” po zhvillohet gjithnjë e më tepër

Për ata që nuk janë ende të familjarizuar me termin “Interneti i Objekteve”, bëhet fjalë për lidhjen midis çdo pajisje të mundshme që përfshin në ndërtimin e vet sensorë: makina, kondicionerë, makineritë e përgatitjes së kafes, gomat, rrugët, raftet e supermarketeve, monitoruesit kardiakë etj…

Si rezultat i shtimit të sasisë së të dhënave që do të gjenerohen në muajt e ardhshëm nga makinat ose “objektet”, pritet që të zhvillohen shumë oportunitete të reja.

Sipas Frost & Sullivan Asia Pacific, në vitin 2014 blerësit dhe shitësit në fushën e teknologjisë së informacionit do të fokusohen gjithnjë e më tepër në Internetin e Objekteve (Internet of Things ose shkurt IoT).

Një aktivitet i tillë do të rritet ndjeshëm edhe në vitet në vazhdim si rezultat i kombinimit të sensorëve ekonomikë, teknologjisë cloud, analitikëve të avancuar të të dhënave dhe mobilitetit.

Kërkesa për mjete që analizojnë të dhëna masive do të rritet gjithnjë e më shumë në ditët në vazhdim pasi ato përmirësojnë efiçencën dhe efektivitetin e instalimeve të pajisjeve të shumta. Analitikët e fuqishëm do të transformojnë mënyrën se si njerëzit bëjnë biznes dhe gjenerojnë të ardhura për organizatat.

“Interneti i Objekteve” do të krijojë oprtunitete të reja edhe për teknologjinë cloud duke qenë se aplikacionet që mundësojnë funksionalitetin e senosrëve dhe pajisjeve të tjera mobile do të ruhen dhe do të zhvillohen në cloud.

Zhvillimi i aplikacioneve mobilë

IoT do të ndikojë në zhvillimin e aplikacioneve mobilë në cloud të cilat do mund të funksionojnë në çdo pajisje ose sensor. Kjo do të thotë se në vitin 2014 tregu i shërbimeve profesionale që është i përqëndruar në zhvillimin dhe menaxhimin e aplikacioneve do të jetë shumë më i rëndësishëm.

Andrew Milroy, zv.President i Frost & Sullivan Pacific, është shprehur: “Ndërkohë që zhvillimi i aplikacioneve do të përmirësojë ndërveprimin, do të rritet nevoja për rrjete të shpejtësisë së lartë të cilët do të bëjnë të mundur përdorimin në rritje të këtyre aplikacioneve të sofistikuar. Në këndvështrimin e Internetit të Objekteve këto rrjete do të jenë të nevojshëm për të transmetuar në mënyrë efiçente volume masive të dhënash midis sensorëve dhe pajisjeve.”

Ekosistemi i IoT mnd të gjenerojë më tepër të ardhura në sektorët e transportit dhe logjistikës. IoT do të ndikojë gjithashtu në shëndetësi, prodhim, në lidhjen e makinave dhe krijimin e qyteteve të mençur. Bizneset që duan të bëhen pjeë e valës së Internetit të Objekteve duhet të shqyrtojnë besueshmërinë e rrjetit, shkallën e përqafimit të teknologjisë cloud dhe performancën. 

Vetëm 1 muaj pas daljes, Android 4.4 KitKat është i instaluar në 1.1 % të pajisjeve

Ka kaluar një muaj që kur Google zyrtarisht bëri paraqitjen e KitKat-it dhe kontrollimi i parë për përdorimin e versionit më të ri të sistemit Android tregon që ai është instaluar në 1.1 për qind të numrit të përgjithshëm të smartfonëve dhe tabletëve me Android.

Shifrat vijnë nga paneli më i fundit i Google për Android që vlerësoi numrin e instalimeve të llojeve të ndryshme të Android-it në të gjitha pajisjet që vizituan dyqanin Google Play gjatë javës së kaluar.

KitKat ka filluar të lëshohet tek disa pajisje, duke përfshirë Moto X, versionet Google Play të Samsung Galaxy S4 dhe HTC One dhe ky përdorim posedon 1.1 për qind të të gjitha pajisjeve që e përdorin sistemin Android. Kjo shifër është me siguri në rritje e sipër teksa Samsung, HTC, Motorola dhe Sony lëshojnë KitKat-in përgjatë pajisjeve të tyre gjatë javëve dhe muajve të ardhshëm.

Shifrat e kaluara të Google nga nëntori treguan që Jelly Bean (Android 4.1-4.3) posedonte 50 për qind të të gjitha pajisjeve me Android dhe paraardhësi i KitKat-it tani është rritur në 54.5 për qind.

Sa i përket versioneve të tjera, 18.6 për qind e pajisjeve përdornin Ice Cream Sandwich, që ka pësuar rënie nga 19.8 për qind sa ishte gjatë nëntorit, ndërsa Gingerbread (Android 2.3), që ende mbetet mjaft i përdorur edhe pse është dy vite në treg, ka rënë nga 26.3 për qind në 24.1 për qind.

Google ndryshoi mënyrën se si e bën matjen e instalimeve të Android-it në muajin prill, duke ndryshuar kriterin nga të gjitha pajisjet që rrallë përdorin shërbimet e Google, me ato që qasen posaçërisht në dyqanin e aplikacioneve Google Play.

Më në fund përditësohet aplikacioni WhatsApp për iOS 7

Shërbimi popullor i mesazheve WhatsApp, i cili disponon aktualisht plot 350 milion përdorues është ridizajnuar së fundmi për t’u përshtatur më tepër me sistemin e përditësuar iOS 7.

Përveç dizajnit të ri, aplikacioni lejon përdoruesit të dërgojnë mesazhe ndaj listave të caktuara të kontakteve që do të thotë se ata mund të arrijnë të dërgojnë një mesazh të vetëm ndaj kolegëve të caktuar të punës, ndaj miqve të caktuar apo njerëzve të tjerë.

Ndër ndryshimet e aplikacionit përfshihet shtimi i tingujve të rinj për lajmërimet, shfaqja e fotove të dërguara me mesazh në një format me përmasa më të mëdha, opsioni i prerjes së fotove para dërgimit etj. 

Nga iPad Mini tek Galaxy Note: Cili është tableti i duhur per ju (Infografik)

Ky është ndoshta viti i katërt rresht që tabletët janë një prej dhuratave më të parapëlqyera për festa.

Disa kohë më parë, ishte e lehtë të zgjidhje një tablet: Merrje thjesht një iPad.

Por, në fund të vitit 2013, situata është krejt ndryshe. Jo vetëm që ka disa lloje iPad-ësh nga të cilët mund të zgjedhësh, por edhe konkurrentët e tij janë të shumtë.

Atëhere, cili është tableti i duhur për ju? Në infografikun e mëposhtëm synohet të krijohet një rrjedhje logjike për të zgjedhur tabletin e duhur në bazë të preferencave tuaja dhe kritereve që vlerësoni më tepër në një tablet.

Fillohet fillimisht me madhësinë e ekranit të dëshironi, më pas me buxhetin. Pjesa tjetër ndahet në bazë të sistemit të operimit, nëse luani lojëra, nëse parapëlqeni të përdorni laps dixhital, nëse preferoni një tablet me ekran me rezolucion të lartë etj. 

LG mundëson kontrollimin e TV-ve të “mençur” nga cilado pajisje

Shumë TV të “mençur” nuk janë në kontakt edhe aq me pajisjet e tjera sa do të dëshironim; integrimi synon të jetë bazik, pronësor, ose të dy këto të fundit.

LG së shpejti mund të ketë një zgjidhje më elegante, teksa ka premtuar mbështetjen e AllJoyn në linjën e vet të TV-ve.

Korniza punuese e brenda-ndërtuar e Qualcomm iu mundëson që të kontrolloni aktivitetin në ekran nga cilado pajisje që mund të përdorë AllJoyn, çfarëdo platforme qoftë ajo dhe përdoruesit e sistemeve Android, iOS dhe Windows teorikisht do të mund të luanin lojën e njëjtë në TV.

LG nuk ka thënë se kur AllJoyn do të vijë në setet e veta televizive, por nuk do të ishte befasi nëse ndërmarrja do të zbulonte këto produkte në CES muajin e ardhshëm.