Celular druri me funksione te fshehura

Druri si material për përpunimin e celularëve është raritet. Si prodhues i vetëm të cilit i bie ndërmend të paraqes në mënyrë standarde këto pajisje në shtëpiza të tilla është ai i celularëve luksoz, Gresso, e tani edhe dy dizajnerë tjerë kanë vendosur të paraqesin versionin e tyre të celularit të drurit. Dizajnerët Hyun Jin Yoon dhe Eun Hak Lee për zgjidhjet e tyre inovative tanimë kanë marrë disa çmime në garën prestigjioze IDEA (International Design Excellence Awards), e tani ata kanë vendosur ta fusin atë në botën e telekomunikacioneve.

Ata kanë paraqitur celularin, shtëpiza e të cilit është e përpunuar tërësisht nga druri i panjës. Dimensionet e pajisjes janë 4.5 x 10.4 x 9.8 centimetra, dhe ai bie në kategorinë e celularëve rrëshqitës, derisa tastet e funksioneve janë të fshehura dhe aktivizohen me prekjen në shtëpizë. Deri tek ekrani i tij LCD arrihet me hapjen e mekanizmit rrëshqitës.

Se shpejti USB 3.0 me shpejtesi 600 MB/s

Për gëzimin e shumëkujt, Intel ka publikuar specifikat e të paralajmëruarit që shumë kohë USB 3.0 i njohur nën emrin Extensible Host Controller Interface (xHCI).Specifikat e publikuara nga ana e kompanisë Intel do tu mundësojnë prodhuesve të ndryshëm të harduerëve, fillimisht AMD-së dhe NVIDIA-s, zhvillimin e harduerëve të ri të cilët do të bashkëpunojnë në mënyrë të suksesshme me standardin e ri USB 3.0.

Intel ka ndërmarrë këtë hap në mënyrë që sa më shpejt të fillojë zbatimin e USB 3.0 i cili ende quhet SuperSpeed USB.

Në fakt, shpejtësitë e reja të USB-ve 3.0 do të duhej të ishin diku rreth 4.8 Gb/s në modelet me tela që është rreth 600 MB/s, derisa më vonë lidhja do të realizohet me anë të lidhjes optike.

Edhe Google ne shenje te Lojerave Olimpike

Për dallim nga kompanitë tjera botërore, të cilat është dashur të paguajnë ‘majmë’ për përdorimin e simboleve olimpike, Google këtë e bën pa pagesë, derisa organizatorët e Lojërave Olimpike në Pekin, madje thonë se janë krenar që makina më e madhe e kërkimit të internetit në botë ua kë bërë këtë nder, njoftojnë agjencitë.

Në faqen kryesore të Google një dele dje ka vozitur biçikletën rrotat e së cilës e kanë përbërë dy shkronjat O të Googlet, derisa sot miu i vogël tenton të ngritë pesha me këto dy shkronja.

Shfrytëzimi i simboleve olimpike, përndryshe, zyrtarisht, është i rezervuar vetëm për sponsorët e Lojërave, të cilët paguajnë miliona dollarë për të drejtën ekskluzive për t’i përdorur ato, ka njoftuar agjencia gjermane e lajmeve DPA.

Tastiere dhe mouse superiore nga Logitech

Nëse e keni ndërmend të ndërroni tastierën dhe mausin e vjetër, Logitech sërish ofron mundësinë që këtë ta bëni më një veprim – me kombinimin e tastierës ergonomike dhe miut Cordless Desktop Wave Pro.Me blerjen e këtij kombinimi do të merrni majën e ofertës së Logitech: miun laserik MX1100 dhe tastierën ergonomike në formë të valëve të quajtur Wave, për të cilën në Logitech pohojnë që është më e shëndetshme sesa tastierat ‘standarde’ dhe ofron komoditet më të madh të shkrimit.

Sa i përket miut, MX1100 ka disa karakteristika interesante. Në të gjendet qasja USB e cila mundëson mbushjen e plotë të miut gjatë kohës së punës, prandaj nuk keni nevojë të ndërprisni punën që ta mbushni sërish. Lidhjen USB mund ta kyçni edhe në adapterin AC, i cili vjen si shtojcë, si dhe ta mbushni miun duke e futur në prizën e murit. Gjithashtu, MX1100 përfshin edhe tetë taste programuese, si dhe Logitech MicroGear™ Precision scroll me dy forma të rrëshqitjes – ultra të shpejtë dhe preciz. Forma ultra e shpejtë mundëson që me një veprim të gishtit të fluturoni nëpër dokumente të gjata apo faqe të internetit.

Filma dhe seriale pa pagese ne IMDb

Kompania gjigante e internetit Amazon ka vendosur që në faqen e internetit IMDb.com tu ofrojë shfrytëzuesve të vet shikimin e filmave dhe serialeve pa pagesë, e disa prej tyre edhe para emetimit të tyre zyrtar.

Qëkur është paraqitur në vitin 1990, faqja imdb.com (Internet Movie Data Base) është bërë baza më e madhe e të dhënave të botës së filmit dhe televizionit. Pothuajse se nuk ka film, serial, aktor edhe ndonjë të dhënë tjetër i cili nuk është kategorizuar në këtë bazë të madhe. Tani IMDb.com po shkon një hap më larg dhe shfrytëzuesve të vet në faqet e saj u ofron shikim pa pagesë të filmave dhe serialeve.

Fillimisht Amazon, e cila që prej vitit 1998 është bërë pronare e kësaj hapësire të uebit, shfrytëzuesve u ofron afron 6.000 tituj, mirëpo nga kompania lajmërojnë se shifra e filmave dhe serialeve në dispozicion do të rritet.

Xhirimet e paraqitura nuk do të mund të shihen drejtpërdrejt në faqen e internetit imdb.com, mirëpo shfrytëzuesit do të ridrejtohen në uebin zyrtar të kompanisë Amazon.

Vizitoni Faqen:http://www.imdb.com/

Facebook prezanton App Center

Facebook ka paralajmëruar mediat për projektin e saj të ri, dyqanin virtual të aplikacioneve të saj të cilin e ka quajtur, Facebook App Center.mediat

Sipas rrjetit social, dyqani virtual do tu mundësojë përdoruesve të gjejnë më lehtë aplikacionet sociale, ndërsa qasja në të do të bëhet përs shfletuesve të ndryshëm, nga sistemet operative iOS dhe Android.

“Sot, ne po prezantojmë App Center, vendin e ri ku njerëzit mund të gjejnë aplikacione sociale. App Center mundëson që zhvilluesit të rrisin aplikacionet e tyre, dhe që suksesi i tyre të jetë edhe më i madh” thuhet në deklaratën zyrtare të Facebook.

Për më shumë informata rreth App Center të Facebook, vizitoni faqen Facebook Developer.