Twitter ndryshon dizajnin e profileve

Kryetari Egzekutiv i Twitter, Dick Costolo, ka zbuluar një pamje të re për profilet e Twitter-it në mëngjesin e së Martës, në shoun e NBC, ‘Today’. 

Profilet e reja kanë një foto të madhe, e ngjashme me foton e ‘cover’-it në Facebook, me një theks të madh mbi fotot. Mbi foton më pas gjëndet avatari i përdoruesit, me biografinë, vendndodhjen, dhe linkun e faqes.

Aplikacioni i Twitter-it për iPad-in është gjithashtu ndryshuar, dhe është tani zyrtarisht gati për t’u shkarkuar në ‘App Store’.

Twitter pritet të bëjë të njëjtën gjë që bëri Facebook, të lëshojë profilet e reja gradualisht për të gjithë përdoruesit në muajt e ardhshëm. Ndryshimi do të bëhet automatikisht.