Office 15, anti Google Docs

Sic duket, produkti i radhës i Microsoft-it, Office 15 ka më shumë se një ridizajnim. Jo vetëm do të ketë dy verzione, online dhe offline, por Office 15 duket si një mjet anti Google Docs nga ana e Microsoft-it. Për t’a parë më qartë, ndiqni video klipin e mëposhtëm:

Office 15 mund të vijë nga fundi i verës

Sot Microsoft njoftoi se edicioni tjetër i Office, mjetet e produktivitetit, ka arritur fazën e parashikimeve teknike dhe do të hyrë në fazën e testimit së shpejti. Ky verzion, për momentin i njohur si Office 15, vjen pas një verzioni tjetër shumë popullor dhe të pëlqyer, Office 2010.

Edhe pse nuk ka një datë të saktë për daljen e softuerit, pritet të dalë rreth të njëjtës kohë si produkti tjetër i ri i Microsoft-it, Windows 8.

Kompania gjigande ka thënë gjithashtu që nga fundi i verës të këtij viti, të gjithë do të kenë mundësinë të testojnë verzionin BETA të Office 15.